முதல்வருக்காக ஒன்று கூடிய 12,000பேர்..தடபுடலாக நடந்த பயிற்சி பாசறைக் கூட்டம்

முதலமைச்சர் அறிவுரைப்படி தி.மு.க. வாக்குச்சாவடி பொறுப்பாளர்கள் பயிற்சி பாசறைக் கூட்டம் திருச்சி, ராமநாதபுரம், திருப்பூர் மற்றும் திருவண்ணாமலையில் வெற்றிகரமாக நடந்து முடிந்துள்ளது. இந்நிலையில், நிறைவு கூட்டமாக, சென்னை மண்டலத்திற்குட்பட்ட மாவட்டங்களின் 12 ஆயிரம் வாக்குச்சாவடி பொறுப்பாளர்கள் பங்கேற்கும் வாக்குச்சாவடி பொறுப்பாளர்கள் பயிற்சி பாசறைக் கூட்டம், திருவள்ளூரில் உள்ள கலைஞர் திடலில் நாளை நடைபெறுகிறது. வாக்காளர்களை அணுகுதல், களச் செயல்பாடுகள், உள்ளிட்டவை குறித்து முன்னணி தலைவர்கள் பயிற்சியளிக்க உள்ளனர். சென்னை மண்டலத்துக்கு உட்பட்ட 11 கழக மாவட்டங்களின் வாக்குச்சாவடி பொறுப்பாளர்கள் பங்கேற்க உள்ள இந்தக் கூட்டத்தில், முதலமைச்சர் ஸ்டாலின் பங்கேற்று சிறப்புரையாற்றுகிறார்.