பரபரப்பான சென்னை விமான நிலையம்...நூதன முறையில் தங்கக் கடத்தலில் ஈடுபட்ட பெண்

சென்னை விமானநிலையத்தில், மலேசியாவிலிருந்து சுமார் 2 கிலோ தங்கத்தை கடத்தி வந்த பெண் கைது செய்யப்பட்டுள்ளார். மலேசியாவில் இருந்து விமானத்தில் சென்னை வந்த ஷர்மிளா நாகமுத்து என்பவரை சுங்க இலாகா அதிகாரிகள், சந்தேகத்தின் பேரில் நிறுத்தி விசாரித்து, சோதனை நடத்தினர். அப்போது அவர் எமர்ஜென்சி விளக்குகளில், 24 தங்க தகடுகளை மறைத்து வைத்திருப்பது தெரியவந்தது. இதனையடுத்து ஷர்மிளா நாகமுத்துவிடமிருந்து 79 லட்சத்து 44 ஆயிரம் மதிப்புள்ள 1 கிலோ 808 கிராம் தங்க தகடுகளை பறிமுதல் செய்த அதிகாரிகள், அவரை கைது செய்து விசாரணை நடத்தி வருகின்றனர்.