'என்ன வரட்டா மாமே'... கேஷுவலாக செல்போன் திருடும் இளைஞர்கள் - சிசிடிவி காட்சி வெளியாகி பரபரப்பு

    ஆவடி சுற்றுவட்டார பகுதிகளில் செல்போன்களைத் திருடிய 2 இளைஞர்கள் கைது செய்யப்பட்டனர்.

பொத்தூர் பகுதியைச் சேர்ந்த கண்ணன் என்பவர், திருமுல்லைவாயிலில் சைக்கிளில் காய்கறி வியாபாரம் செய்து கொண்டிருந்த போது இருசக்கர வாகனத்தில் வந்த 2 நபர்கள் அவரிடம் இருந்து 500 ரூபாயை திருடிச் சென்றுள்ளனர்.

இது குறித்து போலீசில் புகாரளிக்கப்பட்ட நிலையில், திருட்டு சம்பவத்தில் ஈடுபட்டது அம்பத்தூர் கள்ளிகுப்பத்தைச் சேர்ந்த 26 வயது அஜித்குமார் மற்றும் 18 வயது சந்தோஷ் குமார் என்பது தெரிய வந்தது.

இவ்விருவரையும் தனிப்படை போலீசார் பாரிமுனை கொத்தவால்சாவடி அருகே கைது செய்தனர்.

அவர்களிடம் இருந்து 18 செல்போன்கள் பறிமுதல் செய்யப்பட்ட நிலையில், அஜித்தும் சந்தோஷும் பைக்கில் சென்று திருடும் சிசிடிவி காட்சிகள் வெளியாகியுள்ளன.