யூடியூப் பார்த்து துப்பாக்கி தயாரித்த இளைஞர்கள் - சேலம் மத்திய சிறையில் இருந்து சென்னைக்கு மாற்றம்

சேலத்தில் யூடியூப் பார்த்து துப்பாக்கி தயாரித்த வழக்கில் கைது செய்யப்பட்ட இரண்டு இளைஞர்கள், சென்னை சிறைக்கு மாற்றம் செய்யப்பட்டுள்ளனர். விநாயகம்பட்டியில் வீடு வாடகைக்கு எடுத்து துப்பாக்கி தயாரித்ததாக, செவ்வாய்பேட்டையைச் சேர்ந்த சஞ்சய்பிரகாஷ், எருமாபாளையத்தை சேர்ந்த நவீன்சக்கரவர்த்தி ஆகியோரை போலீசார் கைது செய்து சேலம் மத்திய சிறையில் அடைத்தனர். இந்நிலையில், இவர்களிடம் மேல் விசாரணை செய்ய என்ஐஏஅதிகாரிகள் முடிவு செய்தனர். இதனையடுத்து, இருவரும் சேலத்திலிருந்து -சென்னை புழல் சிறைக்கு மாற்றம் செய்யப்பட்டனர்.