விக்ரம் பட பாணியில் கல்லூரி மாணவர்களுக்கு கஞ்சா சப்ளை - கடலூரில் அதிர்ச்சி

கடலூரில் சக கல்லூரி மாணவர்களுக்கு கஞ்சா சப்ளை செய்து வந்த கல்லூரி மாணவரை போலீசார் கைது செய்தனர். கடலூர், ஆல்பேட்டை அருகே இரு சக்கர வாகனத்தில் வந்த இருவர் போலீசாரை கண்டு நிற்காமல் சென்ற நிலையில், ரோந்து பணியில் ஈடுபட்ட போலீசார் அவர்களை விரட்டி சென்றனர். இதில், வாகன ஓட்டி தப்பிய நிலையில், பின்னால் அமர்ந்திருந்த சிதம்பரம், கீழ செங்கல்மேட்டை சேர்ந்த கல்லூரி மாணவர் அஜய் என்பவரை போலீசார் கைது செய்தனர். அவரிடமிருந்து 1 கிலோ கஞ்சா கைப்பற்றப்பட்ட நிலையில், புதுச்சேரியில் இருந்து கஞ்சாவை கடத்தி சக கல்லூரி மாணவர்களுக்கு கஞ்சா சப்ளை செய்து வந்தது தெரியவந்தது. இதையடுத்து, அவரை கைது செய்த போலீசார், தப்பியோடிய லாலி என்பவரை போலீசார் தேடி வருகின்றனர்.