'வாரிசு' திரைப்படம் உலகம் முழுவதும் 7 நாட்களில் ரூ.210 கோடி வசூலித்துள்ளது - படக்குழு

வாரிசு திரைப்படம் வெளியாகி 7 நாள்களில் 210 கோடி ரூபாய் வசூல் செய்துள்ளதாக படத்தின் தயாரிப்பு நிறுவனம் அதிகாரப்பூர்வமாக தெரிவித்துள்ளது. விஜய் நடிப்பில், வம்சி இயக்கத்தில் உருவான வாரிசு திரைப்படம் கடந்த 11-ஆம் தேதி வெளியானது. 

இந்நிலையில், கடந்த சில நாள்களுக்கு முன்பு இத்திரைப்படம் 150 கோடி ரூபாய் வசூல் செய்ததாக அறிவிக்கப்பட்டது. தற்போது, படம் வெளியான 7 நாள்களில் சுமார் 210 கோடி ரூபாய்க்கும் மேல் வசூலித்துள்ளதாக, அதன் தயாரிப்பு நிறுவனம் தனது ட்விட்டர் பக்கத்தில் தெரிவித்துள்ளது. வாரிசு திரைப்படத்துடன், அஜித்குமார் நடிப்பில், இயக்குநர் ஹெச். வினோத் இயக்கத்தில் துணிவு திரைப்படமும் அன்றைய தினம் வெளியானது குறிப்பிடத்தக்கது.