"இனி இதையும் நாங்கோ பாத்துகிறோம், நீ ஜாவ் பையா" - திபுதிபுவென இறங்கிய வடமாநில தொழிலாளர்கள்.. ஆத்திரமடைந்த உள்ளூர் விவசாயிகள் போராட்டம் உடுமலையில் பரபரப்பு

திருப்பூர் மாவட்டம் உடுமலை அருகே, கூலி குறைப்பு தொடர்பாக, தென்னை விவசாயிகள் மற்றும் உள்ளூர் தொழிலாளர்களுக்கு இடையே பேச்சுவார்த்தை நடந்தபோது, வடமாநில இளைஞர்கள் வாகனத்தில் அழைத்து வரப்பட்டதால், பரபரப்பு ஏற்பட்டது.

உடுமலை அருகே தளி, திருமூர்த்திநகர், தீபாலபட்டி உள்ளிட்ட பல்வேறு பகுதியில், தென்னை தோப்புகள் உள்ளன.

அதில் தேங்காய் உரிப்பதற்கு, உள்ளூர் தொழிலாளர்கள் வேலை பார்த்து வருகின்றனர்.

இந்த நிலையில் கூலி குறைக்கப்பட்டதால், உள்ளூர் தொழிலாளர்கள் தென்னை விவசாயிகளிடம் பேச்சுவார்த்தை நடத்தினர்.

அப்போது, தேங்காய் மட்டை உரிப்பதற்கு வடமாநிலத்தவர்கள் லாரியில் ஏற்றி வரப்பட்டனர்.

இதனைக் கண்ட உள்ளூர் தொழிலாளர்கள், வண்டியை தடுத்து நிறுத்தி போராட்டத்தில் ஈடுபட்டனர்.

இதனால் அங்கு பரபரப்பு ஏற்பட்டது. இதுதொடர்பான வீடியோ சமூக வலைதளங்களில் பரவி வருகிறது.