ரோட்டில் உருட்டு கட்டை, கற்களால் தாக்கிக் கொண்ட இரு தரப்பினர் - பரபரப்பு காட்சி

திருச்சி உறையூர் அருகே, இருதரப்பினர் கட்டையால் தாக்கிக் கொண்ட சம்பவம் பரபரப்பை ஏற்படுத்தியது. பஞ்சவர்ணசாமி கோயில் பகுதியில், வண்டி ஓட்டிச் செல்லும் போது ஒருவர் பின் ஒருவர் மோதி கீழே விழுந்ததாக கூறப்படுகிறது. இதனால், இருதரப்பு இடையே வாய்த் தகராறு ஏற்பட்டு, சண்டையாக முற்றியது. உருட்டு கட்டைகள், கற்களால் ஒருவரை ஒருவர் தாக்கிக் கொண்டதால், பரபரப்பு ஏற்பட்டது. இதில், படுகாயமடைந்த ஐந்துக்கும் மேற்பட்டோர், மருத்துவமனையில் அனுமதிக்கப்பட்டனர். தகவலறிந்து சம்பவ இடத்துக்கு சென்ற உறையூர் போலீசார், இரு தரப்பினரையும் விசாரணைக்காக, காவல் நிலையத்துக்கு அழைத்துச் சென்றனர்.