கிருஷ்ணகிரி மாவட்டம் வேப்பனப்பள்ளி சுற்றுவட்டார பரவலாக மழை பெய்தது. 2 மணி நேரத்திற்கும் மேலாக பெய்த மழையால், சாலைகளில் வெள்ளம் பெருகெடுத்து ஓடியது. விவசாயிகள் மற்றும் பொதுமக்கள் மகிழ்ச்சி அடைந்துள்ளனர்.
புதுக்கோட்டை மாவட்டம் திருமயம், ராயவரம், பொன்னமராவதி உள்ளிட்ட பகுதியில் மழை கொட்டித் தீர்த்தது. திடீரென சூறைக்காற்றுடன் கனமழை பெய்ததால் வெப்பம் தணிந்து குளிர்ச்சி நிலவுகிறது. பொதுமக்கள் மற்றும் விவசாயிகள் மகிழ்ச்சி அடைந்தனர்.
திருவாரூர் மாவட்டம் திருத்துறைப்பூண்டியில் ஒருமணி நேரத்திற்கும் மேலாக மழை வெளுத்து வாங்கியது. மடப்புரம், வேளூர், மணலி உள்ளிட்ட பகுதிகளில் மழை கொட்டித்தீர்த்தது. குறுவை பயிருக்கு தண்ணீர் இன்றி தவித்து வந்த விவசாயிகள் மகிழ்ச்சி அடைந்துள்ளனர்.
திருப்பத்தூர் மற்றும் மாவட்டத்தின் பல்வேறு பகுதிகளில் கனமழை கொட்டி தீர்த்தது. வெளுத்து வாங்கிய மழையால், சாலைகளில் ஆங்காங்கே வெள்ள நீர் பெருக்கெடுத்து ஓடியது. வெப்பம் தணிந்து குளிர்ச்சியாக நிலவுவதால் பொதுமக்கள் மற்றும் விவசாயிகள் மகிழ்ச்சி அடைந்ததுள்ளனர்.