இரவில் பெண் தோழியோடு சாலையில் நடப்பவர்களே உஷார்..! - குறிவைத்து கத்தியால் வெட்டும் மர்மநபர்கள்... சென்னையில் நடந்த அதிர்ச்சி சம்பவம்

சென்னை கோடம்பாக்கத்தில் முத்துக்குமார் என்ற தனியார் நிறுவன ஊழியர், இரவில் பெண் தோழியுடன் பேசியவாறு சாலையில் நடந்து சென்றுள்ளார். அப்போது இருசக்கர வாகனத்தில் வந்த 3 பேர் கொண்ட கும்பல், முத்துக்குமாரின் தலையில் கத்தியால் வெட்டிவிட்டு, அவரது செல்போன் மற்றும் பெண் தோழியின் செல்போனை பறித்து சென்றது. தகவலறிந்து விரைந்து சென்ற போலீசார், காயமடைந்த முத்துகுமாரை மீட்டு மருத்துவமனையில் சேர்த்த நிலையில், சிசிடிவி கேமராக்களை ஆய்வு செய்து தப்பியோடிய கும்பலை தேடி வருகின்றனர்.