கணவனை கொன்று தண்டவாளத்தில் வீசிய மனைவி... ஆண் நண்பருடன் சேர்ந்து செய்த அட்டூழியம்...

தர்மபுரி மாவட்டத்தை சேர்ந்தவர் தர்மதுரை. இவரின் மனைவி பிரபாவதி. கடந்த 2 வருடங்களுக்கு முன் தர்மதுரை சேலம் மாவட்டத்தில் உள்ள ரயில்வே தண்டவாளத்தில் சடலமாக மீட்கப்பட்டார்.

இந்த வழக்கை போலீசார் விசாரிக்கையில், தர்மதுரையின் மனைவி பிரபாவதிக்கும் அதே மாவட்டத்தை சேர்ந்த கோவிந்தராஜ் என்பவருக்கும் தகாத உறவு இருப்பது தெரியவந்துள்ளது.

இது தர்மதுரைக்கு தெரிய வர அவர் மனைவி பிரபாவதியை கண்டித்ததாக கூறப்படுகிறது.

இதனால், பிரபாவதி கள்ளக்காதலன் கோவிந்தராஜ் உடன் சேர்ந்து தர்மதுரையை கொலை செய்து, சேலம் மாவட்டத்தில் உள்ள தண்டவாளத்தில் வீசியுள்ளனர்.

இதையடுத்து, இருவரையும் கைது செய்த போலீசார் தீவிர விசாரணை நடத்தி வந்தனர்.

விசாரணையில், இந்த கொலைக்கு உடந்தையாக இருந்த கோவிந்தராஜின் நண்பர் தமிழரசன் என்பவரை போலீசார் தேடி வந்தனர்.

இந்நிலையில், அவரை கடத்தூர் அருகே போலீசார் கைது செய்துள்ளனர்.