பீரோ பின்னால் பதுங்கி இருந்த பாம்பு ...பிடிபட்ட பாம்பின் வயிற்றில் இருந்ததை கண்டு அதிர்ந்த மக்கள்

கடலூர் அருகே 6 அடி நீளமுள்ள நல்ல பாம்பு மூன்றடி நீளமுள்ள நல்ல பாம்பை விழுங்கியதால் பரபரப்பு ஏற்பட்டது.

கடலூர் முதுநகர் அருகே உள்ள வசந்தராம்பாளையத்தில் வசித்து வரும் கீதா என்பவரது வீட்டில் இரண்டு பாம்புகள் இருப்பதாக பாம்பு ஆர்வலரான செல்லாவிற்கு தகவல் கிடைத்துள்ளது.

செல்லா அந்த வீட்டிற்கு சென்று பார்த்த போது, அலமாரிக்கு பின்னே மூட்டைகளுக்குள் பாம்பு பதுங்கி இருந்தது.

ஆனால் ஒரு பாம்பு மட்டுமே இருந்த நிலையில் அதனை செல்லா பிடித்தார்.

அந்த பாம்பு உடனடியாக தான் விழுங்கிய மற்றொரு பாம்பை கக்கியது.

அந்தப் பாம்பு உயிரிழந்த நிலையில் கீழே விழுந்தது. இதனை தொடர்ந்து 6 அடி நீளமுள்ள நல்ல பாம்பை பத்திரமாக மீட்ட செல்லா, வனப்பகுதிக்குள் பத்திரமாக விடுவித்தார்.