சர்ச்சைக்குரிய பிரபல யூடியூப்பர் டிடிஎஃப் வாசன் தமிழ்சினிமாவில் ஹூரோவாக அறிமுகமாகப்போவதாக தகவல்கள் வெளியாகியுள்ளது... அது பற்றி விவரிக்கிறது இந்த செய்தி தொகுப்பு.....
நீங்கள் ஒரு 2 கே கிட்ஸ் என்றால் கட்டாயம் டிடிஎஃப் வாசனை பற்றி தெரியாமல் இருந்திருக்க முடியாது.
ஆம் அவர் 2கே கிட்ஸ்களின் ஆதர்ஷ நாயகன்.
யூடியூப் சேனல் ஒன்றை தொடங்கியவர், தன் உயர் ரக டூ வீலரை ஓட்டிக் கொண்டே, கேமராவில் பேசுவது, மலை பிரதேசங்களுக்கு டூ வீலரில் சென்று வந்து அந்த பதிவுகளை யூடியூப்பில் அப்லோட் செய்வது என அவ்வப்போது வீடியோக்களை பதிவிட்டு வந்தார்.
அந்த யூடியூப் சேனலை பார்க்க ஒரு தனி ரசிகர் கூட்டம் உருவானது. கடந்த ஆண்டு அவருக்காக பொது இடத்தில் ஒரு கூட்டம் கூடிய பின்னர்தான், 2 கே கிட்ஸ்களின் உலகத்தில் இப்படியொரு கதாநாயன் இருப்பதே பலருக்கும் தெரியவந்தது.
அந்த திடீர் கூட்டத்தை காவல்துறையே எதிர்பார்க்க வில்லை... பின்னர் யூடியூப் சேனலுக்கு இண்டர்வியூ கொடுக்க துவங்கி சர்ச்சைகளில் சிக்கத் துவங்கினார் டிடிஎப் வாசன்
அதிவேகமாக வாகனத்தை இயக்கி போலீசில் சிக்கிக்கொள்வது. ஏதாவது யூடியூப் சேனலுக்கு ஏடாகுடமாக பேட்டி கொடுத்து மாட்டிக்கொள்வது,
பொது இடத்தில் இளைஞர்களை திரட்டி பலம் காண்பிப்பது, காவல்நிலையம் சென்றால் கோட்சூட்டுடன், நம்பர் பிளைட் இல்லாத காரில் செல்வது என தொடர்ந்து சர்ச்சைக்குள்ளாகி வந்தார் டிடிஎப் வசன்.
இந்த நிலையில்தான் அவர் சினிமாவில் ஹூரோவாக அறிமுகமாகவுள்ளார் என்று தகவல் வெளியாகியுள்ளது....
சர்ச்சைகளின் நாயகனான யூடியூபர் டிடிஎஃப் வாசன், இனி சினிமாவில் நாயகனாக வலம்வரப்போகிறார்.விரைவில் அவர் நடிக்க உள்ள படத்திற்கான ஷூட்டிங் துவங்கவுள்ளது.
6 கோடி பட்ஜெட்டில் தயாராகும் அந்த படத்தில், பல முன்னணி நடிகர்களும் நடிக்க உள்ளதாக கூறப்படுகிறது. டிடிஎஃப்வாசன் பிறந்தநாளான ஜூன் 29ஆம் தேதி, படத்திற்கான பர்ஸ்ட் லுக் போஸ்டர் வெளியாக உள்ளதாகவும் கூறப்படுகிறது.
தொடர்ந்து இத்திரைப்படத்தின் இசை மற்றும் ட்ரெய்லர் வெளியீட்டு விழா சென்னையில் உள்ள தனியார் கல்லூரி ஒன்றில் மாணவர்கள் முன்னிலையில் வெளியிடப்படும் என தகவல்கள் வெளியாகியுள்ளது.
டிடிஎஃப் வாசன் நடிக்கப்போகும் படத்தின் கதை என்ன?, ஹீரோயின் யார் ?போன்ற தகவல்களையெல்லாம் தெரிந்து கொள்ள அவரது ரசிகர்கள் ஆர்வம் காட்டி வருகின்றனர்...