ஜல்லிக்கட்டில் புகழ்பெற்ற நாச்சி காளை உயிரிழப்பு , கிராம மக்கள் கண்ணீருடன் இறுதி அஞ்சலி..

சிவகங்கை மாவட்டம் கிருங்காகோட்டையில், திடீரென உயிரிழந்த ஜல்லிக்கட்டு காளைக்கு கிராம மக்கள் கண்ணீருடன் அஞ்சலி செலுத்தினர். மெக்கானிக் ஜெயமணி என்பவருக்கு சொந்தமான நாச்சி காளை 500க்கும் மேற்பட்ட ஜல்லிக்கட்டு போட்டிகளில் பங்கேற்றுள்ளது. எந்த பகுதியில் போட்டிகள் நடந்தாலும், ஜல்லிக்கட்டு நிர்வாகிகள் பாக்கு வைத்து நாச்சி காளைக்கு அழைப்பு விடுப்பது வாடிக்கை. அந்த அளவிற்கு புகழ்பெற்ற நாச்சி காளை, திடீரென உயிரிழந்த‌து. இதனால் அந்த கிராம‌மே சோகத்தில் மூழ்கியது. கிராம மக்கள் உட்பட ஏராளமானோர் நாச்சி காளைக்கு இறுதி மரியாதை செலுத்தினர். பின்னர், உரிமையாளருக்கு சொந்தமான இடத்தில் காளை நல்லடக்கம் செய்யப்பட்டது.