சிலிண்டருக்கு அடியில் இருந்த நாகப்பாம்பு... அலறியடித்து ஓடிய வீட்டின் உரிமையாளர்... படம் எடுத்து ஆடியதால் பரபரப்பு

கடலூரில் வீட்டு சமையலறையின் கேஸ் சிலிண்டருக்கு அடியில் இருந்த நாகப்பாம்பு படம் எடுத்து ஆடியதால் பரபரப்பு ஏற்பட்டது.

கடலூர் வெளிச்சமண்டலம் பகுதியை சேர்ந்த மதியழகன் என்பவரது வீட்டுக்குள் புகுந்த அந்த பாம்பு, சமையலறையின் கேஸ் சிலிண்டருக்கு பின்னால் சென்று மறைந்துள்ளது.

அங்கிருந்து, சத்தம் வருவதை அறிந்த மதியழகன் சிலிண்டரை விலக்கி பார்த்த போது, நாகப்பாம்பு ஒன்று படம் எடுத்து ஆடியுள்ளது.

இது குறித்து பாம்பு பிடி வீரருக்கு அவர் தகவல் அளித்ததன் பேரில், அங்கு வந்த செல்லா என்பவர், அந்த நாகபாம்பை லாவகமாக பிடித்து காப்பு காட்டில் விட்டார்