குற்றாலம் சென்று திரும்பியபோது சோகம் - புளியமரத்தில் சொகுசு கார் மோதி விபத்து

தென்காசி மாவட்டம் கடையம் அருகே மரத்தில் சொகுசு கார் மோதிய விபத்தில், ஒருவர் சம்பவ இடத்திலேயே உயிரிழந்த நிலையில், மற்றொருவர் சிகிச்சை பலனின்றி உயிரிழந்துள்ளார். சென்னையை சேர்ந்த அசோக்குமார் என்பவர் அவரது நண்பர்களுடன் குற்றாலத்திற்கு சென்று திரும்பியுள்ளார். அப்போது, வேகமாக வந்த கார் எதிர்பாராதவிதமாக சாலையோரத்தில் இருந்த புளியமரத்தின் மீது மோதியது. இதில், அசோக் குமார் சம்பவ இடத்திலேயே பலியான நிலையில், அவரது நண்பர் சிகிச்சை பலனின்றி உயிரிழந்துள்ளார். மேலும் ஒருவர் சிகிச்சை பெற்று வரும் நிலையில், விபத்தின் சிசிடிவி காட்சி வெளியாகி உள்ளது.