ஆன்லைனில் ஆர்டர் செய்த இளம்பெண்... டெலிவரி செய்ய வந்து அத்துமீறிய ஊழியர் - சென்னையில் கொடூரம்

சென்னை துரைப்பாக்கத்தை சேர்ந்த இளம்பெண் ஆன்லைன் இணையதளத்தில் வீட்டிற்கு தேவையான மளிகைப் பொருட்களை ஆர்டர் செய்துள்ளார். கடந்த 5ம் தேதி, அந்தப் பொருட்களை ஊழியர் ஒருவர் டெலிவரி செய்துள்ளார். அப்போது, வீட்டில் இளம்பெண் தனியாக இருப்பதை உறுதி செய்து கொண்ட ஊழியர், அவரிடம் அத்துமீறி நடந்ததாக கூறப்படுகிறது. இளம்பெண் கூச்சலிடவே, அந்த ஊழியர் அங்கிருந்து தப்பியோடியுள்ளார். இதுதொர்பாக, சென்னை காவல்துறை டிவிட்டர் பக்கத்தில் இளம்பெண் புகார் அளித்துள்ளார். அதன் பேரில் தகவல்களை சேகரித்த துரைப்பாக்கம் போலீசார், சம்பந்தப்பட்ட ஊழியரை கைது செய்தனர். பின்னர் அவரிடம் நடத்தப்பட்ட விசாரணையில், துரைப்பாக்கம் ஒக்கியம் பகுதியை சேர்ந்த ஜெயபால் என தெரியவந்தது.