இரு மாநிலங்களை அதிர வைத்த எஸ்ஐ-யின் காதலி..! "சிக்க போகும் பெரும் புள்ளிகள்?" வெளியான பரபரப்பு ஆடியோ

காரைக்காலில் தங்க மூலம் பூசப்பட்ட போலி நகைகளை விற்பனை செய்து மோசடி செய்த வழக்கில், கைது செய்யப்பட காவல் உதவி ஆய்வாளரின் காதலி கூட்டாளியுடன் பேசிய ஆடியோ வெளியாகியுள்ளது.

தமிழகம் மற்றும் காரைக்காலில் தங்க முலாம் பூசிய போலி நகைகளை விற்பனை செய்தும், வங்கியில் அடகு வைத்தும் மோசடி செய்த வழக்கில் புதுச்சேரி சப் இன்ஸ்பெக்டர் உட்பட 8 பேரை போலீசார் கைது செய்தனர். இந்த விவகாரத்தில், மோசடி கூட்டத்துக்கு மூளையாக செயல்பட்ட கைதான சப் இன்ஸ்பெக்டரின் காதலி புவனேஷ்வரியை போலீசார் தீவிரமாக தேடி வந்தனர். இதில், ஆந்திர தொழில் அதிபரின் உதவியுடன் நட்சத்திர விடுதியில் தங்கியிருந்த அவரை போலீசார் கைது செய்தனர். இந்த கும்பல் 50 லட்சத்துக்கு நகைகள் வாங்கி, ஒரு பவுனுக்கு ஒரு கிராம் வீதம் தங்க மூலாம் பூசி கோடிக்கணக்கில் லாபம் பார்த்ததாக கூறப்படுகிறது. இந்நிலையில், சப் இன்ஸ்பெக்டரின் காதலி புவனேஷ்வரியும், அவரது கூட்டாளியான ரிபாத் காமும் மோசடி குறித்து பேசிய ஆடியோ வெளியாகி பரவி வருகிறது.