நகைக்கடை வியாபாரியிடம் ரூ.1.5 கோடி கொள்ளை சம்பவம் - துப்பு கிடைக்காமல் திணறி வரும் போலீசார்?

நெல்லை டவுனில் நகைக்கடை நடத்தி வரும் சுஷாந்த் என்பவர், கேரளாவிற்கு நகை வாங்குவதற்கு தனது நண்பருடன் காரில் சென்றபோது, அவரை வழிமறித்த கும்பல், ஒன்றரை கோடி ரூபாயை கொள்ளையடித்துச் சென்றது.

இந்த சம்பவத்தில், நகை வியாபாரி சுசாந்துடன் சென்ற 2 பணியாளர்களிடம் போலீசார் விசாரணை நடத்தினர்.

மேலும், சந்தேகத்திற்கிடமான வகையில், முன்னாள் ஊழியர் ஒருவரிடமும் விசாரணை நடத்தப்பட்டதில் எந்தவித முன்னேற்றமும் ஏற்படவில்லை என கூறப்படுகிறது.

கொள்ளை சம்பவத்தில் ஈடுபட்ட நபர்கள், மலையாள மொழியில் பேசியதாக தெரிகிறது.

அதன் அடிப்படையில் 2 தனிப்படைகள் கேரளா விரைந்துள்ளதாகவும், ஓரிரு நாளில் வழக்கில் முன்னேற்றம் ஏற்படும் என்றும் காவல்துறை தரப்பில் தெரிவிக்கப்பட்டுள்ளது.