நாட்றம்பள்ளி அருகே பட்டப்பகலில் வீட்டில் கொள்ளையடித்த திருடனை, பொதுமக்கள் தர்ம அடி கொடுத்து போலீசாரிடம் ஒப்படைத்தனர். திருப்பத்தூர் மாவட்டம் கிழக்குமேடு பகுதியை சேர்ந்த மூதாட்டி தனம்மாள். இவரது வீட்டின் பூட்டை உடைத்து உள்ளே புகுந்த மர்மநபர்கள், 30ஆயிரம் பணம் மற்றும் ஒரு சவரன் நகையை திருடி கொண்டு வெளியேறியுள்ளனர். இதனைக்கண்ட தனம்மாளின் மருமகள் கூச்சலிடவே, விரைந்து வந்த அக்கம்பக்கத்தினர், திருடர்களின் ஒருவனை பிடித்து தர்ம அடி கொடுத்து போலீசாரிடம் ஒப்படைத்தனர். இதனைத்தொடர்ந்து தப்பியோடிய மற்றொரு நபரை போலீசார் தேடி வருகின்றனர்.