அங்கும் இங்கும் சுற்றி திரிந்த சிவப்பு கார்.. சேஸிங்கில் பிடித்து அதிர்ந்துபோன போலீஸ்

கன்னியாகுமரியில், போதைப்பொருளை விற்பனை செய்ய முயன்ற வடமாநிலத்தவர் 2 பேர் உட்பட 3 பேரை போலீசார் கைது செய்தனர்.

கன்னியாகுமரி மாவட்டம் குழித்துறையில், சந்தேகத்திற்கிடமான வகையில் அங்கும் இங்குமாக சுற்றித் திரிந்த சிவப்பு காரை போலீசார் மடக்கிப் பிடிக்க முயன்றபோது, கார் அங்கிருந்து வேகமாக சென்றது.

பின்னர், அந்த காரை போலீசார் விரட்டிப் பிடித்த நிலையில், அதில் இருந்த 3 பேரிடம் விசாரணை நடத்தினர்.

முன்னுக்குப் பின் முரணாக பதில் வந்ததால், போலீசார் காரை சோதனை செய்தபோது, 10 லட்சம் ரூபாய் மதிப்பிலான போதைப்பொருள் இருந்தது கண்டுபிடிக்கப்பட்டது.

இதனையடுத்து, 3 பேரையும் கைது செய்த போலீசார், நீதிமன்றத்தில் ஆஜர்படுத்திய பின் சிறையில் அடைத்தனர்.