கர்நாடகாவில் சட்டப்பேரவைத் தேர்தல் அடுத்த மாதம் நடைபெறவுள்ள நிலையில், கோலாரில் வரும் 9-ம் தேதி நடைபெறும் பேரணியில் ராகுல் காந்தி பங்கேற்று உரையாற்றுகிறார். 224 உறுப்பினர்களை கொண்ட கர்நாடக சட்டப்பேரவைக்கு அடுத்த மாதம் 10ம் தேதி தேர்தல் நடைபெறுகிறது. இந்நிலையில், காங்கிரஸ் பொதுச் செயலாளர் கே.சி.வேணுகோபால் வெளியிட்ட டிவிட்டர் பதிவில், வரும் 9ம் தேதி கோலாரில் நடைபெறும் ஜெய் பாரத் மெகா பேரணியில் ராகுல் காந்தி கலந்து கொண்டு உரையாற்ற இருப்பதாகத் தெரிவித்துள்ளார். மக்களின் குரலாக ராகுல் காந்தி இருப்பதாக அவர் குறிப்பிட்டுள்ளார்.