பங்க் ஊழியர்களை சீண்டிய அடாவடி கஸ்டமர்.. கும்மு கும்முவென கும்மியெடுத்த காட்சிகள்
திண்டுக்கல் மாவட்டம் நிலக்கோட்டை அருகே, பெட்ரோல் பங்கில் ஊழியர்களுக்கும் வாடிக்கையாளர்களுக்கும் இடையே வாய்தகராறு ஏற்பட்டு, சரமாரியாக தாக்கிக் கொண்டனர்.
கொடைரோட்டில் செயல்பட்டு வரும் பெட்ரோல் பங்கில், மாவுத்தம்பட்டியை சேர்ந்த வினோத் என்பவர் பெட்ரோல் நிரப்ப வந்தார். அப்போது, கூட்டம் அதிகமாக இருந்த நிலையில், ஊழியர் பற்றாக்குறை காரணமாக பெட்ரோல் நிரப்ப தாமதம் ஏற்பட்டதாக, கூறப்படுகிறது. இதனால் ஆத்திமடைந்த வினோத், தனது நண்பர்களுடன் இணைந்து ஊழியர்களை தாக்கியதாக தெரிகிறது. மேலும், இருதரப்பைச் சேர்ந்தவர்களும் சரமாரியாக தாக்கிக் கொண்டனர். இதில், காயமடைந்த பெட்ரோல் பங்க் ஊழியர்கள் இருவர், தனியார் மருத்துவமனையில் சேர்க்கப்பட்டனர். இது தொடர்பான சிசிடிவி காட்சி வைரலான நிலையில், மாவுத்தன்பட்டியைச் சேர்ந்த வினோத், மணி ஆகியோரை அம்மையநாயக்கனூர் போலீசார் தேடி வருகின்றனர்