பெட்ரோல் பங்க்-கில் இளைஞர்கள் தகராறு...பணம் கேட்டு இரும்பு ராடால் தாக்குதல் - பரபரப்பு சிசிடிவி காட்சி

கும்மிடிப்பூண்டியில் 4 இளைஞர்கள் பணம் கேட்டு பெட்ரோல் பங்க் ஊழியர்களை தாக்கும் சிசிடிவி காட்சி வெளியாகியுள்ளது. திருவள்ளூர் மாவட்டம் கும்மிடிப்பூண்டியில் திருஞானம் என்பவருக்கு சொந்தமான பெட்ரோல் பங்க் உள்ளது. நள்ளிரவில் இருசக்கர வாகனத்தில் வந்த 4 இளைஞர்கள், பெட்ரோல் பங்க் ஊழியர்களிடம் தகராறில் ஈடுபட்டனர். பணம் கேட்டு கொடுக்காததால், இரும்பு ராடால் பங்க் ஊழியர்களை தாக்கிவிட்டு தப்பிச் சென்றனர். காயமடைந்த பங்க் ஊழியர்கள் சுரேந்தர், செந்தில் ஆகியோர், அரசு மருத்துவமனையில் சிகிச்சைக்காக அனுமதிக்கப்பட்டனர். சிசிடிவி காட்சி அடிப்படையில் தகராறில் ஈடுபட்ட 4 இளைஞர்களை போலீசார் தேடி வருகின்றனர்.