முத்தரப்பு டி20 தொடர் - வங்கதேசத்தை வீழ்த்தி பாகிஸ்தான் வெற்றி
நியூசிலாந்தில் நடைபெற்றுவரும் முத்தரப்பு டி20 தொடரின் முதல் லீக் போட்டியில் வங்கதேசத்தை 21 ரன்கள் வித்தியாசத்தில் வீழ்த்தி பாகிஸ்தான் வெற்றி பெற்றது. கிறிஸ்ட்சர்ச் நகரில் நடைபெற்ற இந்தப் போட்டியில் முதலில் ஆடிய பாகிஸ்தான் 20 ஓவர்களில் 5 விக்கெட் இழப்புக்கு 167 ரன்கள் அடித்தது. அதிகபட்சமாக பாகிஸ்தான் தொடக்க வீரர் ரிஸ்வான் 78 ரன்கள் சேர்த்தார். பின்னர் 168 ரன்கள் இலக்கை நோக்கி ஆடிய வங்கதேசம், 20 ஓவர்களில் 8 விக்கெட் இழப்புக்கு 146 ரன்கள் மட்டுமே எடுத்து தோல்வி அடைந்தது. பாகிஸ்தான் தரப்பில் வேகப்பந்துவீச்சாளர் வாசிம் 3 விக்கெட் வீழ்த்தினார்.