நமச்சிவாய மூர்த்தி மகர தலைநாள் குருபூஜை... விழாவிமரிசையாக நடந்த பட்டணப் பிரவேச நிகழ்ச்சி

மயிலாடுதுறை மாவட்டம் திருவாவடுதுறை ஆதீனத்தில், குருமுதல்வர் நமச்சிவாய மூர்த்தி மகர தலைநாள் குருபூஜை விழா கொண்டாடப்பட்டு வருகிறது.

இந்தநிலையில் விழாவின் சிகர நிகழ்ச்சியான பட்டணப் பிரவேசம் நேற்று நடைபெற்றது.

இதனையொட்டி திருவாவடுதுறை ஆதீனம் அம்பலவாண தேசிக பரமாசாரிய சுவாமிகள், ஸ்ரீநமச்சிவாய மூர்த்திகளுக்கு சிறப்பு பூஜைகள் செய்தார்.

பின்னர் ஒரு லட்சத்து எட்டு ருத்ராட்ச மணிகளால் ஆன தலைவடம் உள்ளிட்டவற்றை அணிந்து சிவிகா ரோஹணம் செய்தார்.

பின்னர் வானவேடிக்கைகள் முழங்க, பல்லக்கில் அமர்ந்து பட்டணப்பிரவேசம் மேற்கொண்டார். இந்த நிகழ்ச்சியில் திரளான பக்தர்கள் கலந்துகொண்டனர்.