"ஸ்ரீமதி மரணத்தில் மர்மங்கள் அவிழ்க்கப்பட வேண்டும்" /இ.கம்யூ. கட்சியின் முத்தரசன் வலியுறுத்தல்

ஸ்ரீமதி மரணத்தில் உள்ள மர்மங்கள் அவிழ்க்கப்பட வேண்டும் என இந்திய கம்யூனிஸ்ட் கட்சியின் மாநில செயலாளர் முத்தரசன் தெரிவித்துள்ளார்.

இதுதொடர்பாக இன்று அவர் வெளியிட்டுள்ள அறிக்கையில், கைது செய்யப்பட்ட பள்ளி நிர்வாகிகள் உச்சநீதிமன்றத்தின் தீர்ப்புகளையும், வழிகாட்டு நெறிகளையும் கருத்தில் கொள்ளாது ஜாமினில் விடுவிக்கப்பட்டுள்ளனர் என்றும், விசாரணை குற்றவாளிகள், நிரபராதிகள் என நற்சான்று வழங்கும் கருத்துகளை வெளியிட்டிருப்பது நீதி பரிபாலன முறை மீதான நம்பிக்கையை தகர்க்கும் செயல் என்றும் தெரிவித்துள்ளார்