நகை கடையில் கைவரிசை காட்டிய தாய், மகன் - அதிரடியாக இருவரையும் கைது செய்த போலீஸ்

புதுச்சேரியில் நகை கடைகளில் திருடிய தாய், மகன் கைது செய்யப்பட்டுள்ளனர். புதுச்சேரி நகைக்கடை ஒன்றில், ஊழியரின் கவனத்தை திசை திருப்பி 3 சவரன் தங்க நகை மற்றும் தங்க காசுகள் திருடப்பட்டது. இதுகுறித்து விசாரணை நடத்திய போலீசார், விருதுநகரை சேர்ந்த தாய் மற்றும் மகனை திருச்சியில் கைது செய்தனர். அவர்களிடம் நடத்திய விசாரணையில், மேலும் 3 கடைகளில் தாயும், மகனும் திருட்டில் ஈடுபட்டிருப்பது தெரியவந்துள்ளது. கைதானவர்களிடமிருந்து 5 சவரன் தங்க நகைகளும், 48 ஆயிரம் ரொக்கமும் பறிமுதல் செய்யப்பட்டுள்ளது.