அமைச்சர் செந்தில் பாலாஜிக்கு ஆரத்தி எடுத்த சிறுமி.. ஆரத்தியை அமர்ந்தபடி ஏற்ற அமைச்சர்

புடவை அணிந்த சிறுமி, அமைச்சர் செந்தில் பாலாஜிக்கு ஆரத்தி எடுத்த நிகழ்வு, கவனத்தை ஈர்த்துள்ளது.

ஈரோடு கிழக்கு தொகுதி இடைத்தேர்தலில், காங்கிரஸ் வேட்பாளர் ஈ.வி.கே.எஸ்.இளங்கோவனுக்கு ஆதரவாக அமைச்சர் செந்தில் பாலாஜி தீவிர வாக்கு சேகரிப்பில் ஈடுபட்டுள்ளார்.

இந்நிலையில், கிருஷ்ணம்பாளையம் பகுதியில் அவர் வாக்கு சேகரித்தபோது, புடவை அணிந்த ஆறு வயது சிறுமி, அமைச்சர் செந்தில் பாலாஜிக்கு ஆரத்தி எடுத்தார். ஆரத்தியை அமர்ந்தபடி ஏற்றுக் கொண்ட அமைச்சர், அவர் கொடுத்த பூவையும் வாங்கிக்கொண்டு, மகிழ்ச்சியை வெளிப்படுத்தினார்.