எம்.ஜி.ஆர். திரைப்பட கல்லூரியின் மேற்கூரை இடிந்து விபத்து 'டாடா' பட திரையிடல் நிகழ்ச்சியில் பரபரப்பு
- சென்னை எம்.ஜி.ஆர். திரைப்பட கல்லூரியின் மேற்கூரை இடிந்து விழுந்ததால், பரபரப்பு ஏற்பட்டுள்ளது...
- தரமணியில் உள்ள எம்.ஜி.ஆர். திரைப்படம் மற்றும் தொலைக்காட்சி பயிற்சி நிறுவனத்தில், 500க்கும் மேற்பட்ட மாணவர்கள் பயின்று வருகின்றனர்.
- இந்நிலையில் அங்குள்ள ஆர்.ஆர். திரையரங்கில், மாணவர்களுக்காக கவின் நடிப்பில் வெளியான 'டாடா' படத்தின் திரையிடல் நிகழ்ச்சி நடைபெற்றது.
- அப்போது, திடீரென திரையரங்கின் மேற்கூரை இடிந்து விழுந்ததால், மாணவர்கள் மத்தியில் பரபரப்பு ஏற்பட்டது.
- நல்வாய்ப்பாக திரையரங்கின் மேடை மீது இடிபாடுகள் விழுந்ததால், யாருக்கும் எந்த பாதிப்பும் ஏற்படவில்லை.
- இந்நிலையில், பராமரிப்பு பணிகளை விரைந்து மேற்கொள்ள வேண்டுமென, கல்லூரி நிர்வாகத்திற்கு மாணவர்கள் கோரிக்கை வைத்துள்ளனர்.