மாபெரும் இலவச சிறப்பு மருத்துவ முகாம் -100-க்கும் மேற்பட்டோருக்கு பரிசோதனை

செங்கல்பட்டு மாவட்டம் அரசன்கழனியில் உள்ள ஒளடத சித்தர் மலை சிவனடியார் குழு மடம் அறக்கட்டளை, செட்டிநாடு சூப்பர் ஸ்பெஷாலிட்டி மருத்துவமனை மற்றும் பீ ஹெல்த் ஸ்டூடியோ இணைந்து நடத்திய மாபெரும் இலவச சிறப்பு மருத்துவ முகாம் நடைபெற்றது. இதில் ரத்த அழுத்தம், இசிஜி, உடல் எடை, சர்க்கரை அளவு உள்ளிட்ட பரிசோதனைகள் மேற்கொள்ளப்பட்டது. சுமார் 100க்கும் மேற்பட்டோர் இந்த முகாமில் கலந்து கொண்டு பரிசோதனை செய்து கொண்டனர். அவர்களுக்கு உடனடியாக மருந்து, மாத்திரைகளும் வழங்கப்பட்டன. இந்த நிகழ்ச்சியில் அறக்கட்டளை தலைவர் கமலக்கண்ணன், மருத்துவர் சிவபாலன் மற்றும் அறக்கட்டளை செயற்குழு உறுப்பினர் சாமிநாதன் உள்ளிட்டோர் கலந்து கொண்டனர்.