தொடர்ந்து தடுமாறி வரும் கே.எல்.ராகுல்... டி20 தொடரில் கோலிக்கு ஓய்வா? - இளம் வீரர்களை இறக்க போகும் இந்தியா

இலங்கை டி20 தொடருக்கான இந்திய அணியில் இருந்து கே.எல்.ராகுல் நீக்கப்படலாம் என தகவல் வெளியாகி உள்ளது. வருகிற ஜனவரி மாதம் இந்தியா சுற்றுப்பயணம் மேற்கொள்ளும் இலங்கை அணி 3 டி20 மற்றும் 3 ஒருநாள் போட்டிகளில் ஆடவுள்ளது. இதற்கான இந்திய அணி விரைவில் அறிவிக்கப்படும் என எதிர்பார்க்கப்படுகிறது. காயத்தில் இருந்து ரோகித் குணமடையாததால், ஹர்திக் பாண்டியா கேப்டனாக செயல்படுவார் எனக் கூறப்படுகிறது. சர்வதேச போட்டிகளில் தொடர்ந்து தடுமாறிவரும் கே.எல்.ராகுல், டி20 தொடருக்கான அணியில் இருந்து நீக்கப்படலாம் எனவும் கூறப்படுகிறது. இதேபோல், டி20 தொடரில் கோலிக்கு ஓய்வு அளிக்கப்படலாம் என்றும் தகவல்கள் வெளியாகி உள்ளன.