வெடித்து சிதறிய மாணவர்கள் தயாரித்த 'ராக்கெட்' - 11 கல்லூரி மாணவர்களுக்கு நேர்ந்த கதி

ஜார்கண்டில் கல்லூரி ஒன்றில் நடந்த மாதிரி அறிவியல் கண்காட்சியில் ராக்கெட் வெடித்த‌தில் 11 மாணவர்கள் படுகாயமடைந்தனர். ஜாம்ஷெட்பூரில் உள்ள கல்லூரி ஒன்றில் மாணவர்களுக்கான மாதிரி அறிவியல் கண்காட்சி நடத்தப்பட்டது. இதில், மாணவர்கள் தங்களது படைப்புகளை காட்சிப்படுத்தினர். அதே நேரத்தில், ராக்கெட் செயல்படுவது குறித்து மாணவர்கள் செயல்விளக்கம் அளித்த போது, திடீரென வெடித்த‌தால் பரபரப்பு ஏற்பட்டது. இந்த வெடிப்பில் 11 மாணவர்கள் படுகாயமடைந்தனர். அவர்களுக்கு, மருத்துவமனையில் சிகிச்சை அளிக்கப்பட்டு வருகிறது.