இர்ஃபான் கார் மோதி பெண் பலி.. சம்பவ இடத்தில் அவர் இருந்தாரா? - மக்கள் சொன்ன பரபரப்பு தகவல்

செங்கல்பட்டு மாவட்டம் பொத்தேரி அருகே, பிரபல YOUTUBER இர்ஃபானின் சொகுசு கார் மோதி பெண் உயிரிழந்த சம்பவம் பரபரப்பை ஏற்படுத்தியது.

பொத்தேரி அருகே கோனாதி பகுதியை சேர்ந்தவர் பத்மாவதி. இவர் பொத்தேரியில் உள்ள தனியார் கல்லூரியில் செக்யூரிட்டியாக பணியாற்றி வந்தார். பணி முடிந்து வீட்டிற்கு திரும்பிய பத்மாவதி, திருச்சி-சென்னை தேசிய நெடுஞ்சாலையை கடக்கும்போது, வேகமாக வந்த சொகுசு கார் மோதியதில், சம்பவ இடத்திலேயே உயிரிழந்தார். தகவலின் பேரில் வந்த போலீசார் உடலை மீட்டு பிரேத பரிசோதனைக்கு அனுப்பி வைத்த நிலையில், விபத்தை ஏற்படுத்திய காரையும் பறிமுதல் செய்தனர். இதுதொடர்பான விசாரணையில் அந்த கார், பிரபல YOUTUBER இர்ஃபானின் பெயரில் இருந்தது தெரியவந்தது. விபத்து நடந்த இடத்தில் இர்ஃபானை பார்த்ததாக பொதுமக்கள் கூறி வரும் நிலையில், காரை ஓட்டி வந்ததாக சென்னை சித்தாலப்பாக்கத்தை சேர்ந்த அசாருதீன் என்பவர் மீது போலீசார் வழக்குப்பதிவு செய்து விசாரணை நடத்தி வருகின்றனர்.