மேடையில் ஹெச்.ராஜா பேசும்போது திடீரென நுழைந்து கோஷமிட்ட விசிக பெண் நிர்வாகி - பாஜக கூட்டத்தில் சலசலப்பு
- கடலூர் மாவட்டம் புவனகிரியில் நடந்த பாஜகவின் சாதனை விளக்க பொதுக்கூட்டத்தில் ஹெச். ராஜாவின் பேச்சுக்கு எதிர்ப்பு தெரிவித்து, விடுதலை சிறுத்தைகள் கட்சி பெண் நிர்வாகி முழக்கமிட்டதால், சலசலப்பு ஏற்பட்டது.
- ஹெச்.ராஜா வருகைக்கு எதிர்ப்பு தெரிவித்து விடுதலை சிறுத்தைகள் கட்சியினர் ஆர்ப்பாட்டம் நடத்த திட்டமிட்டு இருந்தனர்.
- அதனால் அங்கு பலத்த போலீஸ் பாதுகாப்பு போடப்பட்டு இருந்தது.
- இந்நிலையில், பொதுக்கூட்டம் நடைபெற்ற இடத்திற்கு வந்த, விடுதலை சிறுத்தைகள் கட்சியின் மகளிர் அணி பிரமுகர் செல்விமுருகன் என்பவர் ஹெச். ராஜாவுக்கு எதிராக கண்டன முழக்கமிட்டார்.
- இதையடுத்து அங்கு பாதுகாப்பு பணியில் ஈடுபட்டிருந்த போலீசார் அவரை அப்புறப்படுத்தி அழைத்துச் சென்றனர்.