'ஏ.டி.எம்-ல் வந்த சோதனை' - மெஷினை அக்கக்காக கழட்டி அசதியில் அங்கேயே பிளாட்டான ஆசாமி

கும்மிடிப்பூண்டியில் ஏ.டி.எம் இயந்திரத்தை உடைத்து விட்டு அங்கேயே உறங்கிய வடமாநில இளைஞர் கைது செய்யப்பட்டார். கும்மிடிப்பூண்டி பஜாரில் உள்ள ஏ.டி.எம் இயந்திரம் ஒன்றில், ஒடிசாவை சேர்ந்த அஸ்வின் நாயக் என்பவர், குடிபோதையில் பணம் எடுக்க முயன்றுள்ளார். அப்போது ஏ.டி.எம் கார்டு இயந்திரத்தில் சிக்கிக்கொண்டதால், ஆத்திரமடைந்த அவர், ஏ.டி.எம் இயந்திரத்தை உடைத்து விட்டு அங்கேயே படுத்து உறங்கியுள்ளார். இதனையடுத்து அஸ்வின் நாயக்கை போலீசார் கைது செய்த நிலையில், அவர் ஏ.டி.எம் இயந்திரத்தை உடைக்கும் சிசிடிவி காட்சி தற்போது வெளியாகியுள்ளது.