மீண்டும் கிரிக்கெட் ஆடவிருப்பது அதிக ஆர்வத்தை ஏற்படுத்தி இருப்பதாக ஆல்-ரவுண்டர் ஜடேஜா கூறி உள்ளார். காயத்தில் இருந்து குணமடைந்துள்ள ஜடேஜா, ஆஸ்திரேலியாவிற்கு எதிரான டெஸ்ட் தொடருக்கான இந்திய அணியில் சேர்க்கப்பட்டு உள்ளார். இந்நிலையில், ரஞ்சி கோப்பை தொடரில் சவுராஸ்டிரா அணிக்காக ஜடேஜா இன்று தலைமை தாங்க உள்ளார். இது தொடர்பாக பேட்டியளித்த ஜடேஜா, அணிக்கு திரும்பவுள்ளது மிகவும் மகிழ்ச்சி அளிப்பதாகவும், 100 சதவீத உடற்தகுதியை எட்டுவதே தற்போதைய இலக்கு என்றும் கூறினார்.