புட்ரா..புட்ரா.வீட்டிற்குள் வந்து ஆட்டம் காட்டிய பாம்பு புடித்து ட்ரம்மில் போட்ட தீயணைப்பு வீரர்கள்

கோடை வெப்பம் வாட்டி வரும் நிலையில், செங்கல்பட்டில் வீட்டிற்குள் 5 அடி நீள பாம்பு ஒன்று நுழைந்ததால் பெரும் பரபரப்பு ஏற்பட்டது. செட்டிபுண்ணியம் டாக்கா நகர் பகுதியை சேர்ந்த பாரதியின் வீட்டில் துணி துவைக்கும் இடத்தில் இருந்த குழாயில் இருந்து பாம்பு ஒன்று எட்டிப் பார்த்துள்ளது. தகவலறிந்து வந்த தீயணைப்புத் துறையினர் பாம்பைப் பிடிக்க முயன்றனர். ஆனால் பாம்பு சாக்கடை கால்வாயில் பதுங்கியது. அங்கும் இங்கும் ஆட்டம் காட்டிய 5 அடி நீள சாரைப் பாம்பு ஒருவழியாக பிடிபட்டது. தொடர்ந்து பிடிபட்ட பாம்பை தீயணைப்புத் துறையினர் ட்ரம்மில் போட்டு எடுத்துச் சென்று வனப்பகுதியில் விடுவித்தனர். கடும் வெப்பத்தால் அனல் தாங்க முடியாமல் பாம்புகள் வீடுகளை நோக்கி வருவதாக தீயணைப்புத் துறையினர் தெரிவித்தனர்