வீட்டுக்குள் புகுந்து நாயை வேட்டையாட துரத்திய சிறுத்தை - வெளியான திக் திக் சிசிடிவி காட்சி

நீலகிரி மாவட்டம் கோத்தகிரியில், குடியிருப்பு பகுதியில் உலா வந்த சிறுத்தை ஒன்று, நாயை வேட்டையாட முயன்ற சம்பவம் பரபரப்பை ஏற்படுத்தி உள்ளது. கோத்தகிரியில், கடந்த வாரம் அரவேணு சாலையில் குடியிருப்பு பகுதியில் 4 சிறுத்தைகள் உலா வந்தன. இந்நிலையில் 2வது முறையாக குடியிருப்பு பகுதியில் சிறுத்தை உலா வந்துள்ளது. அப்போது, வீடு ஒன்றில் காவலுக்கு இருந்த நாயை சிறுத்தை வேட்டையாட முயன்றது. ஆனால் நாய் வீட்டிற்குள் சென்றதால் சிறுத்தை அங்கிருந்து வனப்பகுதிக்குள் சென்றது. இது தொடர்பான சிசிடிவி காட்சி வெளியாகியுள்ள நிலையில், இது மக்களிடையே அச்சத்தை ஏற்படுத்தி உள்ளது.