லாரியுடன் நேருக்கு நேர் மோதி நொறுங்கிய கார் - மூவர் பரிதாப பலி | Thoothukudi

தூத்துக்குடி அருகே, காரும், லாரியும் நேருக்குநேர் மோதிய விபத்தில், 2 பெண்கள் உட்பட 3 பேர் உயிரிழந்தனர். 4 குழந்தைகள் உட்பட 6 பேர் படுகாயம் அடைந்தனர்.

கோவில்பட்டியை அடுத்த திருவேங்கடம் அருகே, ஒரே குடும்பத்தை சேர்ந்த 9 பேர் திருச்செந்தூருக்கு காரில் வந்துவிட்டு, சொந்த ஊர் திரும்பிக் கொண்டிருந்தனர். முள்ளக்காடு பழையகாயல் இடையே கார் வந்தபோது, எதிர்பாராத விதமாக எதிரே வந்த லாரி மீது மோதி விபத்துக்குள்ளானது. இந்த விபத்தில், காரில் பயணித்த பால்முத்து பிரபு, தமிழ்செல்வி, பாண்டி சுதா ஆகிய 3 பேர் சம்பவ இடத்திலேயே உயிரிழந்தனர். மேலும் படுகாயம் அடைந்த 4 குழந்தைகள் உட்பட 6 பேர் தூத்துக்குடி அரசு மருத்துவமனையில் அனுமதிக்கப்பட்டுள்ளனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.