ஜல்லிக்கட்டு போட்டியின்போது வாக்குவாதம்...விரட்டி விரட்டி அடித்த போலீஸ்..புதுக்கோட்டையில் பதற்றம்.. பரபரப்பு

புதுக்கோட்டை மாவட்டம், கந்தர்வகோட்டை அருகே ஜல்லிக்கட்டு போட்டியின்போது, காளை உரிமையாளர்களை போலீசார் தடியடி நடத்தி விரட்டி அடித்ததால் பரபரப்பு ஏற்பட்டது. ராஜாபட்டி கிராமத்தில் நடத்தப்பட்ட ஜல்லிக்கட்டு போட்டிக்கு முறையாக ஆன்லைன் டோக்கன் வழங்கவில்லை என்று கூறப்படுகிறது. இதனால், காளைகளை நேரடியாக வாடிவாசலுக்கு கொண்டு செல்ல முடியாததால், ஆங்காங்கே உள்ள தடுப்பு வேலிகளை அகற்றி விட்டு உரிமையாளர்கள் உள்ளே கொண்டு சென்றனர். அதற்கு எதிர்ப்பு தெரிவித்த போலீசாருக்கும், காளை உரிமையாளர்களுக்கும் இடையே தள்ளுமுள்ளு ஏற்பட்டது. அப்போது, காளை உரிமையாளர்களை விரட்டுவதற்காக போலீசார் தடியடி நடத்தியதால் பதற்றமான சூழல் ஏற்பட்டது.