உலக சுற்றுப் பயணத்தின் முதல் பகுதியை நடிகர் அஜித்குமார் நிறைவு செய்துள்ளார். நடிகர் அஜித் பயணம் செய்த இடங்களின் வரைபடத்தை அவரது மேலாளர் சுரேஷ் சந்திரா தனது ட்விட்டர் பக்கத்தில் பகிர்ந்துள்ளார். இதன் மூலம் நேபாள், பூட்டான் நாடுகளில் பயணம் செய்த அஜித், இந்தியாவில் ஜம்மு காஷ்மீர் முதல் கன்னியாகுமரி வரை பல்வேறு இடங்களில் பயணம் செய்தது தெரியவருகிறது. இந்த நிலையில் சென்னை திரும்பியுள்ள நடிகர் அஜித், மகிழ் திருமேனி இயக்கத்தில் உருவாகும் தனது 'விடாமுயற்சி' படத்தின் படப்பிடிப்பில் பங்கேற்பார் என எதிர்பார்க்கப்படுகிறது.