நள்ளிரவில் அதிரடி சோதனை... - 10 ஆண்டுகளாக கடத்தலில் ஈடுபட்டு வந்த பலே பாட்டி - சிக்கிய 1200 கிலோ

ஓமலூர் அருகே வெளிமாநிலங்களுக்கு கடத்துவதற்காக பதுக்கி வைக்கப்பட்டிருந்த 1200 கிலோ ரேஷன் அரிசி பறிமுதல் செய்யப்பட்டுள்ளது.

சேலம் மாவட்ட உணவு கடத்தல் தடுப்பு பறக்கும் படை அதிகாரிகள் நள்ளிரவில் நடத்திய அதிரடி சோதனையில், தாத்தியம்பட்டியை சேர்ந்த பத்மினி என்பவர் தனது வீட்டில்1200 கிலோ ரேஷன் அரிசியை பதுக்கி வைத்திருந்தது தெரியவந்தது.

இதுகுறித்து அளிக்கப்பட்ட தகவலின் பேரில் பதுக்கி வைக்கப்பட்டிருந்த ரேஷன் அரிசியை பறிமுதல் செய்த உணவு கடத்தல் தடுப்பு பிரிவு போலீசார், பத்மினியிடம் விசாரணை நடத்தினர்.

அதில் அவர் 10 ஆண்டுகளுக்கு மேலாக ரேசன் அரிசியை கடத்தி வெளிமாநிலங்களில் விற்று வந்தது தெரியவந்தது. இதனையடுத்து பத்மினி கைது செய்யப்பட்டுள்ளார்.