3 மாதம் வரை வைத்து பயன்படுத்தலாம் கெட்டே போகாது! வந்து விட்டது - 'ஆவின் டிலைட்' பால்

ஆவின் டிலைட் "பசும் பால்" 3 மாதம் வரை வைத்து பயன்படுத்தலாம் என ஆவின் நிறுவனம் தெரிவித்துள்ளது. சென்னை சோழிங்கநல்லூர் பால்பண்ணையில் புதிய வடிவத்தில் "ஆவின் டிலைட்" 500 மில்லி பேக்கெட்டுகளில் தயார் செய்யப்பட்டு அதிகபட்ச சில்லறை விலை 30 ரூபாய்க்கு விற்பனை செய்யப்படுகிறது. இந்த ஆவின் டிலைட் பாலினை 90 நாட்கள் வரை எவ்வித குளிர்சாதன வசதியின்றி வைத்து பயன்படுத்தலாம் என தெரிவிக்கப்பட்டு உள்ளது. இந்நிலையில், எதிர் வரும் மழைக்காலங்கள் மற்றும் பேரிடர் காலங்களில் பொதுமக்களுக்கு தடையின்றி பால் கிடைத்திட ஆவின் டிலைட் மிகப்பெரிய பங்காற்றும் எனக் கருதப்படுகிறது.