சென்னையில் மது அருந்திய பின்பு, சிக்கன் ரைஸ் சாப்பிட்ட நிலையில், இளைஞர் உயிரிழந்த சம்பவம் அதிர்ச்சியை ஏற்பட்டுத்தி உள்ளது. சென்னை வியாசர்பாடியை சேர்ந்த மகாவிஷ்ணு என்ற இளைஞர், ரெட்டேரியில் உள்ள மதுபான கூடத்தில் மது அருந்திய பின், சிக்கன் ரைஸ் சாப்பிட்டு வீட்டுக்கு சென்றதாக கூறப்படுகிறது. வீட்டில் உறங்கியபோது உடலில் அசைவுகள் ஏதும் இல்லாததால், மகாவிஷ்ணு மருத்துவமனைக்கு கொண்டு செல்லப்பட்டுள்ளார். ஆனால் மகாவிஷ்ணு ஏற்கனவே இறந்து விட்டதாக மருத்துவர்கள் தெரிவித்தனர். இளைஞர் மர்மமான முறையில் உயிரிழந்தது குறித்து போலீசார் விசாரணை நடத்தி வருகின்றனர்.