பைக்கில் 300 கிலோ மீட்டர் வேகம்... கட்டுப்பாட்டை இழந்து டிவைடரில் மோதி துடிதுடித்து பலியான பிரபல யூடியூபர்

 உத்தரகண்ட் மாநிலம் டேராடூனை சேர்ந்தவர் அகஸ்திய சவுகான். இவர் அதிவேகமாக இருசக்கர வாகனத்தை இயக்கியும், அதில் சாகசம் செய்தும் யூடியூபில் பதிவிடுவதை வழக்கமாக கொண்டவர். அவரது யூடியூப் சேனலுக்கு மட்டும் 12 லட்சம் சப்ஸ்கிரைபர்கள் ( SUBSCRIBERS) உள்ளனர். இந்தநிலையில் அகஸ்திய சவுகான் ஆக்ராவிலிருந்து டெல்லி செல்லும் வழியில், யமுனா விரைவுச்சாலையில் நிகழ்ந்த சாலை விபத்தில், சம்பவ இடத்திலேயே உயிரிழந்துள்ளார். இருசக்கர வாகனத்தை 300 கிலோ மீட்டர் வேகத்தில் அவர் இயக்கியதாகவும், இதனால் கட்டுப்பாட்டை இழந்த வாகனம் சாலையின் டிவைடரில் மோதி விபத்து நிகழ்ந்ததாகவும் தகவல் தெரிவிக்கின்றன. இந்த சம்பவம் தொடர்பாக போலீசார் விசாரணை நடத்தி வருகின்றனர். இதனிடையே விபத்திற்கு முன்னதாக அகஸ்திய சவுகான் இருசக்கர வாகனத்தில் அதிவேகமாக பயணித்த வீடியோ, சமூக வலைதளங்களில் வேகமாக பரவி வருகிறது.