மதுபானம் வாங்குவதில் ஏற்பட்ட தகராறு.. அடித்தே கொன்று தோட்டத்தில் வீசிய உரிமையாளர்கள்

கோவை, மாதம்பட்டி அடுத்த கரடிமடை பகுதியை சேர்ந்தவர் ராகுல். இவரும், அதே பகுதியை சேர்ந்த கோகுல் என்பவரும் காளம்பாளையம் பகுதியில் மதுபான கடை நடத்தி வருகின்றனர்.

அங்கு, கரடிமடையை சேர்ந்த செல்வராஜ் என்பவர் மதுபானம் வாங்க வந்ததாகவும், அப்போது மதுபான கடை நடத்தி வந்த இருவருடனும் தகாராறு செய்ததாகவும் கூறப்படுகிறது.

இந்நிலையில், செல்வராஜை பின் தொடர்ந்து சென்ற இருவரும் செல்வராஜை அடித்து கொன்று, கரடிமடையில் உள்ள தோட்டத்தில் வீசி சென்ற சம்பவம் அதிர்ச்சியை ஏற்படுத்தியது.

தகவலின் அடிப்படையில் சம்பவ இடத்திற்கு வந்த போலீசார், உடலை மீட்டு மருத்துவமனைக்கு கொண்டு சென்ற நிலையில், தலைமறைவாக உள்ள ராகுலையும், கோகுலையும் தேடி வருகின்றனர்.