ஈரோடு மாவட்டம் சத்தியமங்கலம் அருகே உள்ள நவகாளியம்மன் கோயில் கும்பாபிஷேக விழா கோலாகலமாக நடைபெற்றது. காராப்பாடி கிராமத்தில் தமிழகத்தில் முதன்முறையாக 71 அடி உயரத்திற்கு பத்து கைகளுடன் நவகாளி அம்மனுக்கு சிலை அமைக்கப்பட்டுள்ளது. இதனிடையே, விக்னேஸ்வர பூஜையுடன் துவங்கி கடந்த 4 நாட்களாக பல்வேறு பூஜைகள் நடைபெற்றது. இந்நிலையில், மேளதாளங்களுடன், வேத மந்திரங்கள் முழங்க விமான கோபுர கலசத்திற்கு புனித நீர் ஊற்றி மகா கும்பாபிஷேகம் நடைபெற்றது. இதில் திரளான பொதுமக்கள் கலந்து கொண்டு சாமி தரிசனம் செய்தனர்.