4 நாளாக தொடரும் பால் நிறுத்தும் போராட்டம்... பாலை சாலையில் கொட்டி சாலை மறியல் - மதுரையில் பரபரப்பு

பால் கொள்முதல் விலையை உயர்த்த வலியுறுத்தி மதுரை உசிலம்பட்டியில் பால் உற்பத்தியாளர்கள் பாலை சாலையில் கொட்டி போராட்டம் நடத்தியதால் பரபரப்பு ஏற்பட்டது.

பால் கொள்முதல் விலையை 7 முதல் 10 ரூபாய் வரை உயர்த்த வலியுறுத்தி தமிழ்நாடு பால் உற்பத்தியாளர்கள் நலச் சங்கத்தினர் கடந்த 17ம் தேதி முதல் அடுத்தடுத்த போராட்டங்களை நடத்தி வருகின்றனர்.

இதன் ஒரு பகுதியாக உசிலம்பட்டி அருகே செல்லம்பட்டி - சக்கரைப்பட்டி கிராமத்தில் பால் உற்பத்தியாளர்கள் இன்று பாலை சாலையில் கொட்டி திடீர் சாலை மறியலில் ஈடுபட்டதால் பரபரப்பு ஏற்பட்டது.