2-வது டெஸ்ட் போட்டி...எளிய இலக்கை நோக்கி இந்தியா - நெருக்கடி கொடுக்கும் வங்கதேசம்

வங்காளதேசம் அணிக்கு எதிரான 2 ஆவது மற்றும் கடைசி டெஸ்ட் போட்டியில், இந்திய அணி வெற்றி பெற 100 ரன்கள் தேவைப்படுகிறது

இந்தியா - வங்காளதேசம் அணிகள் இடையிலான 2-வது டெஸ்ட் கிரிக்கெட் போட்டி மிர்புரில் நடந்து வருகிறது . இதில், முதலில் ஆடிய வங்காளதேசம் முதல் இன்னிங்சில் 227 ரன்களுக்கு ஆல் அவுட் ஆனது. இதையடுத்து, முதல் இன்னிங்சை ஆடிய இந்தியா 314 ரன்களுக்கு ஆல் அவுட் ஆனது. இதனை தொடந்து 2-வது இன்னிங்சை தொடங்கிய வங்காளதேசம் 231 ரன்களுக்கு ஆல் அவுட் ஆக, 145 ரன்கள் எடுத்தால் வெற்றி என்ற இலக்குடன் இந்திய அணி களமிறங்கியது. ஆனால், கே.எல். ராகுல், சுப்மன் கில், புஜாரா மற்றும் விராட் கோலி ஒற்றை இலக்க ரன்களிலேயே வெளியேறி அதிர்ச்சியை அளிக்க, 3 ஆம் நாள் ஆட்டநேர முடிவில் இந்திய அணி 4 விக்கெட் இழப்பிற்கு 45 ரன்களை சேர்த்துள்ளது. ஆட்டத்தில் 2 நாட்கள் எஞ்சியுள்ள நிலையில், இந்திய அணியின் வெற்றிக்கு மேலும் 100 ரன்கள் தேவைப்படுகிறது.